Buddaviylik, dunyo dinlari ichida eng qadimiysi hisoblanib, eramizdan avvalgi VI-V asrlarda Hindistonda yuzaga kelgan. Buddaviylik dinga e’tiqod qiluvchilar, Janubiy, Janubiy Sharqiy va Sharqiy Osiyo mamlakatlari va qisman Evropa va Amerika qit’alarida istiqomat qiladilar. Hozirgi kunda buddaviylikka e’tiqod qiluvchilar soni 800 mln. ga yaqin bo‘lib, ulardan 1 mln. ga yaqini monaxlardir. Buddaviylik 2500 yildan avvalroq Hindistonda diniy falsafiy ta’limot sifatida vujudga kelgan bo‘lib, unda ko‘plab diniy manbalar va ko‘p sonli diniy yo‘nalishlar mavjud.