Mehmonxona binolari odamlarning qisqa vaqt davomida yashashlari va ularga madaniy-maishiy talab asosida xizmat ko‛rsatish maqsadlarida quriladi. Mehmonxonalar turli kategoriyalarga va turli xonalar tizimiga ega bo‘lishi mumkin. Umumiy tipdagi mehmonxonalar barcha fuqarolarning, delegatsiyalarning, sportchi-turistlarning va boshqalarning ehtiyojini qondirishi lozim. Oromgohlar mehmonxonalari tabiatning tabiiy, chiroyli go‘shalarida quriladi. Turistik mehmonxonalar turist guruhlarini joylashtirish va sayyohlar uchun xizmat ko‘rsatish uchun mo‘ljallanadi. Vaqtincha to‘xtab o‘tuvchi (tranzit) yulovchilar uchun mehmonxonalar quriladi.