Gulmira Isoqovna maktab direktori bo‘lib o‘z faoliyatini boshlaganiga 6 oy bo‘lgan bo‘lsa, u bu vaqt davomida rahbar sifatida o‘z jamoasini kuzatar va tahlil qilar ekan, u tashabbus ko‘rsatib maktab ichki takomillashtirish loyihasini amalga oshirishga qaror qildi. Yangi rahbar maktab ichki tartib-qoidalariga o‘zgartirish kiritishni muhokama qilish maqsadida maktab jamoasini faollar zaliga yig‘ar ekan, o‘zini yaxshi o‘zgarishlar qila olishga qodir holda sezardi. Gulmira Isoqovna optimist lider sifatida har doim har qanday vaziyatga ijobiy yondashish tarafdori edi. Universitetda ta’lim olish jarayonidayoq u o‘z o‘quvchilarining ta’lim olishi uchun vaqt, resurs va boshqa muhim bo‘lgan moddiyatni to‘g‘ri sarflash zarurligiga ishonch hosil qilgan edi. U o‘z mutaxassisligi bo‘yicha o‘qituvchi sifatida faoliyat yuritar ekan, shogirdlarining e’tirofi va hurmatiga sazovor bo‘ldi, o‘quvchilarining ilmiy yutuqlari, o‘zining shaxs sifatidagi samimiyati- jamoadoshlarining ham unga bo‘lgan ehtiromini oshirdi. Natijada, mana u bugun kattagina jamoaning yetakchisi.