Oqsillar yuqori molekulali azot saqlovchi organik moddalar bo‘lib, ular aminokislotalardan tashkil topgandir. Oqsillarning elementlar tarkibi: Uglerod - 50-54%, Kislorod – 21-23%, Vodorod – 6,5-7,3%, Azot – 15-17%, Oltingugurt – 0,5%. Oqsil va peptidlar. A’zo va to‘qimalarning oqsillari. Oqsillar odam tana vazni quruq massasining taxminan 45%ni tashkil etadi. Mushak, o‘pka, taloq, buyrak quruq massasining 70-80%. Suyak, yog‘ to‘qimasida 3-8%. Polipeptid zanjiri 50 aminokislotadan kam bo‘lsa – peptid deb ataladi, ularga rilizing gormonlar, enkefalinlar, neyropeptidlar, angiotenzinogen 2, glutation, vazopressin, oksitotsin, kininlar va boshqalar kiradi. 50 aminokislotadan ziyod bo‘lsa – oqsil deb ataladi (miozin, RNK-aza, kollagen, lizotsim, immunoglobulinlar, albuminlar, insulin va boshqalar).