Amaliy masalalarni hal etishda tajribalar odatda bir necha bor takrorlanadi. Buning natijasida tajribalar ketma-ketligi hosil bo’ladi. Masalan, yangi paxta navi yaratilganligini ma‘lum kafolat bilan tasdiqlash uchun shu nav bilan bir necha yil tajribalar o’tkazilib, ular asosida yangi navning o’rtacha hosildorligi, tola chiqishligi, tez pisharligi, sifatliligi kabi muhim belgilari avvalgi navlarga qaraganda yuqori ekanligi ko’rsatiladi. Ma‘lumki, tajribalar o’tkazilishi natijasida tasodifiy hodisalar ro’y beradi.