Amerika Qoʻshma Shtatlari (AQSh) Shimoliy Amerikadagi mamlakat. Poytaxti Vashington shahri, BMT aʼzosi. AQSh sharqdan Atlantika, gʻarbdan Tinch okeani, janubi-sharqdan Meksika qoʻltigʻi bilan oʻralgan. 50 shtat va Kolumbiya federal okrugiga boʻlinadi. Alyaska va Gavayi shtatlari mamlakat asosiy hududidan tashqarida joylashgan. Puerto-Riko Hamdoʻstligi, Shimoliy Mariana orollari Hamdoʻstligi, Guam, Virginiya orollari, Sharqiy Samoa ham AQShga qarashli. Maydoni 9373000 km², aholisi 320,519 mln. kishi. Yalpi ichki mahsulot hajmi 18,1 trln.AQSH dollarini tashkil etadi. Aholi jon boshiga hisoblaganda 55 000 AQSH dollaridan to’g’ri keladi.