Bu usul kinematik analizning grafo-analitik (reja) usulining zaminida tezlik va tezlanishlar rejasini tuzish va vektor tenglamalardan foydalanish masalasi yotadi. Bunda tekislikda harakatlanuvchi Assur klassifikatsiyasidagi istalgan sinf mexanizmlar uchun tezlik va tezlanishlar rejalarini tuzish mumkinligi isbotlanadi. Hozirgi zamon mashina va mexanizmlaridagi uch hil tekis harakatni uchratish mumkin, bular: qo‘zg‘almas o‘q atrofidagi aylanma harakat; to‘g‘ri chiziqli ilgarilanma-qaytarilanma harakat; ikkila harakatni o‘z ichiga oluvchi tekis murakkab harakat. Aylanma harakatda bo‘lgan zvenodagi istalgan nuqtaning chiziqli tezligi aylanish o‘qidagi shu nuqtagacha bo‘lgan oraliqga propotsionaldir. Burchak tezligi shu zvenoning istalgan nuqtasi uchun bir hildir. Bu tezlik qo‘zg‘almas o‘q atrofida aylanuvchi nuqta tezligi bo‘lganligi uchun absolyut tezlik deyiladi. Tezlikning vektori zvenoning burchak tezligi bo‘yicha radiusga tik yo‘naladi. A nuqtaning normal tezlanishi quyidagicha aniqlanadi.