Zamonaviy kompyuter tarmoqlarida xavfsizlikni ta’minlashda paketlarni filtrlash muhim o‘rin tutadi. Paketlarni filtrlash, tarmoq orqali uzatilayotgan ma'lumotlar paketlarini tarmoq qoidalariga asoslangan holda to‘xtatish yoki o‘tkazish jarayonidir. Tadqiqotda statik va dinamik filtrlash usullari, shuningdek, bayes filtri yordamida zararli trafikni aniqlash imkoniyatlari ko‘rib chiqilgan. Sinovlar asosida, bayes filtri yordamida zararli trafikni aniqlashda yuqori aniqlik darajasi (95%) qayd etildi. Tahlillar shuni ko‘rsatdiki, paketlarni filtrlash jarayonida har bir usulning o‘ziga xos afzalliklari va kamchiliklari mavjud bo‘lib, kelajakda sun’iy intellekt va mashinani o‘rganish texnologiyalari yordamida tizimlar yanada takomillashtirilishi mumkin.