Qushlar, issiqqonli umurtqali hayvonlar guruhi bo’lib, patlari, tishsiz tumshuqli jag’lari, qattiq qobiqli tuxum qo’yishi, yuqori metabolizm tezligi, Trias davrida yashagan sudralib yuruvchilarning psevdozuxlar turkumidan kelib chiqqanligi taxmin qilinadi. Qushlarning qazilma qoldiqlari juda kam; dastlabki qazilma qoldiq — arxeopteriksning toshdagi izi va suyaklari yura davriga tegishli. Ayrim morfologik belgilar (orqa oyoqlardagi muguz tangachalar, muguz tumshuq va boshqalar) hamda fiziologik xususiyatlari (tuxum qo’yishi)ga ko’ra qushlar sudralib yuruvchilarga o’xshaydi, lekin tanasi pat bilan qoplanganligi tufayli ulardan farq qiladi. Patlar qushlar tanasida issiqlikni saqlaydi; uchishda havo qarshiligini kamaytirib, havoda ko’tarish yuzasini hosil qiladi (qanot, dum). Uchish va har xil harakatlanish (yugurish, suzish, sho’ng’ish)ga moslanishi qushlar tayanch-harakat sistem...