“Folklor” atamasi aslida “folk” - xalq va “lore” - donolik so’zlaridan yasalgan bo’lib, «xalq donoligi, xalq donishmandligi» ma’nolarini anglatadi. Uni birinchi marta 1846 yilda Vilyam Toms ilmiy istiloh sifatida qo’lladi. Aksariyat folklor asarlarida so’z etakchi o’rinni egallaydi. Ertak, afsona, naql, rivoyat, latifa, maqol va topishmoq janrlari shunday xarakterga ega. Xalq ertaklarida, xalq dramasida harakat va mimika muhim qimmat kasb etadi. Biroq ko’pgina asarlar ijrosida kuy g’oyaviy-badiiy mazmunni ifodalashda bir qadar qimmat kasb etsa-da, baribir so’z mazmunini ochuvchi asosiy vosita bo’lib qolaveradi. Bu folklorning so’z san’ati sifatidagi mohiyatini to’la–to’kis tasdiqlaydi